Jump to Navigation Jump to Main content
傳統客家音樂 曲調
（一）描述日據時代，做俸工百姓的痛苦。（二）空襲百姓的可憐。
「蘇萬松調」又稱「勸世文」，結構包含「雜念子頭」（與「平板」相似，較短的曲調）再加上主體「雜念子」，蘇萬松通常演唱到較悲傷的情緒時，會出現帶有哭腔的唱法，再加上常用虛字「呢」串聯曲調，伴奏以小提琴自拉自唱，在當時形成極為特殊的演唱風格。本輯收錄兩個主題，一是做俸工百姓的痛苦，二是空襲百姓的可憐，以「雜念子」演唱台灣的老百姓在日據時期被日本人統治時的擔心受怕與生活困苦的情形。
樂器：小提琴、揚琴。
傳統客家音樂 曲調
（一）描述日據時代，做俸工百姓的痛苦。（二）空襲百姓的可憐。
「蘇萬松調」又稱「勸世文」，結構包含「雜念子頭」（與「平板」相似，較短的曲調）再加上主體「雜念子」，蘇萬松通常演唱到較悲傷的情緒時，會出現帶有哭腔的唱法，再加上常用虛字「呢」串聯曲調，伴奏以小提琴自拉自唱，在當時形成極為特殊的演唱風格。本輯收錄兩個主題，一是做俸工百姓的痛苦，二是空襲百姓的可憐，以「雜念子」演唱台灣的老百姓在日據時期被日本人統治時的擔心受怕與生活困苦的情形。
樂器：小提琴、揚琴。
小提琴
揚琴
做俸工百姓个困苦
一來講若大家知 想到以前非常時 食飽每日做俸工 單子一來要赴佢
一來講若大家知 想到以前非常時 食飽每日做俸工 單子一來要赴佢
講要出發个時節 東西物件愛準備 鋤頭並畚箕笠嬤並簑衣 一頭包袱一頭米
擔擔奉奉送等去 第一淒慘貧窮人 每月做到半生死 有錢之人無相關
有錢能來請代理 有人每日去高雄 有人點到桃園去 有人點到去圓山
有人點到龍潭埤 喊涯努力愛來做 喊人不可來懶尸 若是事情無來做
日本打到半生死 講愛食飯个時節 各人碗公愛拿去 添到就來一碗飯
即時就來交分若 講愛个就無菜嗙 嗙个就來鹹菜尾 食毋落吞到頸鋸鋸
睡目就來个時節 狗虱就來並乾蟌 天光朝晨來做事 分到一位還一位
一驚飛機飛過來 飛行機奈位佢毋擲 專專擲人要塞地 炮彈就來擲下來
人民走到半生死 大坪就來開闊闊 無奈好來囥起事 走去就來做俸工
分做來就兩位做 有人就來愁父親 有人就來愁子兒 有人就來愁丈夫
有人就來愁賢妻 盡力就來開大坪 日本講愛放飛機 禾頭就來蒔好好
全然同恩廢忒去 俸工衛生來毋好 真多著到「馬啦痢」 有人做到面黃黃
有人做到面黧黧 五十日間來做好 即時轉到家中去 轉到家中兩三日
一張單子再通知 即時就愛來行 隨即就愛來去 台灣頭台灣尾
準備交通真便利 準備好好哩正來分恩中華拈手尾
空襲百姓个可憐
日本來台到如今 非常時節真可憐 平和光復有恁久 八月光復就太平
日本來台到如今 非常時節真可憐 平和光復有恁久 八月光復就太平
前時美國來空襲 日本電話搞無停 禁解警報響長聲 空襲警報響六聲
人民聽到走無停 有人走到痺蹳跌 有人走到汗淋身 男人俸工無在家庭
留了婦人兩个人 一个手來牽包袱 一个手來牽細人 即時走在防空壕
防空囥等暗深深 飛行隨即飛過來 飛在半天庭 即時飛下來
掃射連連掃無停 前時每日來空襲 事業全然無人尋 事業大家無人做
尋食第一來要緊 日本就來配給米 就來配給恩人民 半月就來配一期
配到就來無兩升 想愛食到半月 五日就來食清清 朋友來到無晝食
各人飯包愛隨身 米糧來不足 各人愛去尋 一日尋得三升米
實際想愛轉家庭 半路看到來警紀 即時就來喊官庭 米糧沒收無要緊
日本亂打是一身 牛鞭毋怕打死人 日本實在真夭壽 全然無顧恩子民
在家子兒多 三餐鮮糜就一升 大家望涯賺來食 又愛俸工並當兵
青年全部走淨淨 丟這家中老細人 在家就來無米煮 細人飢餓真可憐
有人食个蕃薯葉 有人食个蕃薯根 有人食个蘆枝結 有人食个蘆枝心
淒慘今過去 太平愛認真 今日回祖國 台灣大復興
事業大家恩愛做 不可做賊來偷人 今日中華來保管 做賊捉到絕不容情
淒慘今過去百姓大家來同出心
蘇萬松勸世文的主體屬於雜唸子，演唱者邱阿專模擬其腔調邊念邊唱，唯妙唯肖，宛若蘇萬松原音再現。（由賴碧霞、黃和琴、姜雲玉、麥楨琴等評析）
漢族音樂
客家音樂
歌謠
休閒娛樂
音樂欣賞
客語
漢人
客家音樂、平板、山歌子、蘇萬松調、男聲獨唱
客家音樂有聲資料蒐集暨數位化計畫
