【音樂】 桃花過渡

胖胡

通鼓

桃花過渡（小調）
男：正月裏來是新年 走路婦人真賺錢 老公走無三步腳 風流阿哥帶滿間
女：二月裏來人落秧 無情無義撐船郎 河邊搭个虎尾寮 無桌無凳無眠床
男：三月裏來三月三 走路婦人路上行 日裡食飽無在屋 瀉祖瀉公敗名聲
女：四月裏來日又長 無情無義撐船郎 撐船阿哥了尾子 看到婦人合合上
男：五月裏來是端陽 走路婦人壞心腸 本庄阿哥絡無食 打扮出外庄
女：六月裏來人割禾 撐船阿哥花樣多 撐船可比龜爬沙 頭搖尾動背又駝
男：七月裏來係立秋 走路婦人不知羞 日裡食飽四界走 老了無人愛收留
女：八月裏來是中秋 撐船阿哥毋知羞 有時有日水浸死 身屍骨頭水上流
男：九月裏來是重陽 走路婦人無想長 本庄阿哥若無愛 打扮出外鄉
女：十月裏來小陽春 無愛撐船做老公 有時有日水浸死 誤了老妹青春
男：十一月來又一冬 走路婦人恁威風 涯無想若做妻子 若今想涯做老公
女：十二月來又一年 撐船絕代講體面 老妹戀郎千千萬 撐船阿哥妹毋戀

桃花開（小調）
桃花開來菊花黃 阿哥想妹兩三項
一想愛妹鴛鴦枕 二想愛妹象牙床 三來愛妹救命方
心肝阿哥若恁戇 阿妹奈有兩三項
百貨店有鴛鴦枕 木匠店有象牙床 藥店正有救命方
桃花開來菊花黃 明明有个兩三項
玉手當得鴛鴦枕 圓身當得象牙床 兩人交情救命方
心肝阿哥仰恁知 知得老妹好東西
父母生涯三件寶 恁愛老妹借分若 交情毋好分人知
桃花開來菊花黃 兩人牽手笑洋洋
阿哥真心妹真意 兩人結成好鴛鴦 兩人結成好鴛鴦

漢族音樂

歌謠

音樂欣賞

漢人

客家音樂有聲資料蒐集暨數位化計畫